مش ها نقول الحداد
مش ها نقول الحداد .. لا ها نقول التحدي
وإحنا رهن الجهاد .. وإحنا أد التصدي
وعهد الله يا بلدي .. لنجيب حق الشهيد
وقبل ما ليلك يعدي .. لناخد تارهم أكيد
مع كل موت شهيد .. بركان غضب يقيد
وبتتوحد جهودنا .. وقوة وإصرار تزيد
وعهد الله يا بلدي .. لنجيب حق الشهيد
وقبل ما ليلك يعدي .. لناخد تارهم أكيد
حب الوطن عبادة .. ومصر بلد الريادة
وإحنا مشاريع شهادة .. رهن إشارة القيادة
وعهد الله يا بلدي .. لنجيب حق الشهيد
وقبل ما ليلك يعدي .. لناخد تارهم أكيد
كل ولادك أسود .. أبطال تحمي الحدود
حبك دم في عروقهم .. اسمك معناه خلود
وعهد الله يا بلدي .. لنجيب حق الشهيد
وقبل ما ليلك يعدي .. لناخد تارهم أكيد
مهما تكون الصعاب .. راح نوصل للذئاب
ونهد عليهم جحورهم .. ونقضي ع الإرهاب
وعهد الله يا بلدي .. لنجيب حق الشهيد
وقبل ما ليلك يعدي .. لناخد تارهم أكيد
رايتك عالية يا مصر .. وكل يوم في نصر
وشعارنا في الحياة .. شعارنا تحيا مصر
وعهد الله يا بلدي .. لنجيب حق الشهيد
وقبل ما ليلك يعدي .. لناخد تارهم أكيد
كلماتي / جمال عبد القادر