يعني خلاص
يعني خلاص راح تمشي وتبعد ..... يعني مش راح أشوفك تاني
ولا ها تفكر فيا وتوعد ..... ولا هيكون فيه بينا أماني
ايه خلاك تأسى وتتغير ..... وتفوتني أفكر وأتحير
قولي أشكي همي لمين ..... بعد ما ضاع من عمري سنين
ولا حبي أوديه فين ..... واللي جاي من عمري لمين
*********
إزاي أقدر أعيش من بعدك ..... وإزاي تقدر تنسى حناني
وايه اللي يصبرني في بعدك ..... لما تفوتني في نار أحزاني
من غير ما تقولي ايه ذانبي ..... ويهون قربي ويهون حبي
قولي أشكي همي لمين ..... بعد ما ضاع من عمري سنين
ولا حبي أوديه فين ..... واللي جاي من عمري لمين
*********
هو البعد دا عندك عادي ..... تكسر قلبي وتنسى ودادي
خليك فاكر مين البادي ..... مين فات غيره يموت ع الهادي
حقيقي ياما قلوب بتخون ..... وياما قلوب بحنانها تهون
قولي أشكي همي لمين ..... بعد ما ضاع من عمري سنين
ولا حبي أوديه فين ..... واللي جاي من عمري لمين
ـــــــــــــــــــــــــــــــــــــــــــــــــــــ