وحشتيني يا أمي / قصيدة رثاء للأم للشاعر جمال عبد القادر

وحشتيني يا أمي
وحشتيني يا أمي وحشتيني
يا روح قلبي ونور عيني
فراقك صعب يا حبيبتي
مين بعدك مين يواسني
كان لما أغيب وأروح حدك
أشوف الفرحة في عيونك
وفي مرضي أشوف صفار خدك
وخضه يرجف لها جفونك
لا قادر لحظة أنساكي
ولا في الدنيا بلقاكي
من بعدك تاهت الفرحة
ودموع العين نار جارحة
يوماتي بفتكر حضنك
وشوق عيني يناديلك
ياما دوقت ياما من حبك
دلوقتي أنا اللي بدعيلك
وأقول يارب ارحمها
وبنورك ربي هنيها
ومن ظلك ما تحرمها
وبرياض الجنة مليها
دي أمي أغلى ما ليا
وأنا اتحرمت بعديها
من حضن دافئ في الدنيا
ومن دعوة كانت تدعيها
يارب على فراقها صبرني
واجمعني في جنتك بيها
ـــــــــــــــــــــــــــــــــــــ

الله عليك وعلى كلامك الحلو شاعرنا الراقي الجميل