يا قلب زي الحجر / للشاعر جمال عبد القادر

( يا قلب زي الحجر )
يا قلب زي الحجر
امتى تلين وتتوب
وتعرف إن القدر
غالب كما المكتوب
عمرك في الدنيا كام
تضيعه ليه في حرام
في غدر وظلم وكدب ونم
طب ليه إتلم
هيا الدنيا بقيا لمين
دا عمرك فيها بضع سنين
ليه تكون من أهل النار
ليه ما تكون زي الأبرار
تقضي حياتك كلها خير
وتصوم وتصلي زي الغير
وإن لم تستحي فافعل ما شئت
لا مال يشفع ولا واد ولا بنت
فاكر إنك تعمل ما بدالك
هو الموت ما جاش على بالك
احذر دا عمرك كله أيام
شوف فات كام وفاضلك كام
يلا أوام في الخيراتقدم
وتوب لله قبل ما تتندم
ــــــــــــــــــــــــــــــــــــــ
للشاعر جمال عبد القادر