بقى راجع تترجاني / كلمات أغنية جديدة للشاعر الجميل جمال عبد القادر

بقى راجع تترجاني
بقى راجع تترجاني .. وتطلب ودي تاني
بعد اللي عاملته معايا .. وجرحك اللي بكاني
ارحمني بقى يا أناني .. ريحني بقى وإنساني
إنسى اسمي وعنواني .. واوعاك بقى ترجع تاني
***********
فاكرني زي زمان .. لسه جوايا حنان
أنا فكري كله اتغير .. وخلاص ما عاد يتحير
ولا عاد جوايا حنان .. ولا فيه بقى بينا أمان
ارحمني بقى يا أناني .. ريحني بقى وإنساني
إنسى اسمي وعنواني .. واوعاك بقى ترجع تاني
***********
بتقولي ننسى الماضي .. وجرحي دا عندك عادي
أنسي حيرتي وعذابي .. وإنك ضيعت شبابي
هو انت قلبك ايه .. ولا دا شيء خدت عليه
ارحمني بقى يا أناني .. ريحني بقى وإنساني
إنسى اسمي وعنواني .. واوعاك بقى ترجع تاني
***********
عمر ما قربك فرحني .. ولا كنت بتريحني
أنا اللي كنت بعاني .. ولا ضحيت مرة عشاني
ولا همك يوم إحساسي .. ولا إني كنت بآسي
ارحمني بقى يا أناني .. ريحني بقى وإنساني
إنسى اسمي وعنواني .. واوعاك بقى ترجع تاني
ـــــــــــــــــــــــــــــــــــــــــــــــــــــــــــــــــــــــــــــــ
كلمات الشاعر جمال عبد القادر