حلوة الدنيا معاك / شعر غنائي جديد للشاعر جمال عبد القادر

حلوة الدنيا معاك
حلوة الدنيا حلوة ... حلوة الدنيا معاك
يلي كلامك غنوة ... وعيوني بتهواك
انت كل حنيني ... وحبك بيهنيني
وأفرح لما تجيني ... وفرحي يزيد بلقاك
حلوة الدنيا حلوة ... حلوة الدنيا معاك
*********
سهرت أيام وليالي ... أحلم بيك وأستناك
وقادت نار حسادي ... لما شافوني معاك
ولما تغيب عن عيني ... نار شوقي بتكويني
وأفرح لما تجيني ... وفرحي يزيد بلقاك
حلوة الدنيا حلوة ... حلوة الدنيا معاك
*********
هيا الدنيا بتحلى ... من غير حب وفرحة
ولا الفرحة بتكمل ... غير بالتوب والطرحة
ياما حلمت أنا بيها ... وكنت كتير بداريها
وأفرح لما تجيني ... وفرحي يزيد بلقاك
حلوة الدنيا حلوة ... حلوة الدنيا معاك
*********
وحيات حبي الغالي ... لتكون كل أمالي
وأصون حبك ليا ... مهما اتبدل حالي
وفي عيوني راح أشيلك ... وبأجمل كلمة أناديلك
وأفرح لما تجيني ... وفرحي يزيد بلقاك
حلوة الدنيا حلوة ... حلوة الدنيا معاك
ـــــــــــــــــــــــــــــــــــ